Հրկիզել են ավագանու անդամներից մեկի կնոջ մեքենան. մանրամասներ
Գիշերը հրկիզել են Երևանի ավագանու «Մայր Հայաստան» խմբակցության անդամ Գևորգ Ստեփանյանի կնոջ ավտոմեքենան։ Այս մասին հայտնել է խմբակցության ղեկավար Մանուկ Սուքիասյանը։
Նրա խոսքով՝ դեպքը եղել է Երևանի Մկրտիչ Սեդրակյան փողոցում գիշերը 4։30-ի սահմաններում։ Գևորգ Ստեփանյանն և նրա ընտանիքի անդամներն արթնացել են հարվածի ձայնից:
Նշված է, որ մեքենայի ապակին կոտրել ու սրահը այրել են։ Սուքիասյանը նշել է, որ այդ ամենը միտումնավոր է արվել։
Նշվում է, որ տուժածներ չկան։
