Պակիստանը միանշանակ հակահարված կտա. Պակիստանի ԱԳՆ
Պակիստանն իր դեմ ագրեսիայի դեպքում հակահարված կտա: Այս մասին հայտարարել է ՄԱԿ-ում(Միավորված ազգերի կազմակերպություն) Պակիստանի մշտական ներկայացուցիչ Ասիմ Իֆթիհար Ահմեդը, գրում է «Ռիա Նովոստի»-ն:
«Եթե տեղի ունենա ագրեսիայի որևէ գործողություն, որևէ սադրանք, ապա ակնհայտ է, որ ինչպես ցանկացած այլ երկիր, մենք ունենք ինքնապաշտպանության իրավունք, ինչը համապատասխանում է ՄԱԿ-ի կանոնադրությանը», - ասել է նա:
Դիվանագետը նշել է, որ Պակիստանը «խաղաղություն է ուզում, բայց դրա հետ մեկտեղ ցանկացած ագրեսիա զսպելու հնարավորություններ ունի»:
