Մեզ չի կարելի սպառնալ. Հունգարիայի վարչապետ
Հունգարիայի վարչապետ Վիկտոր Օրբանը, ելույթ ունենալով խորհրդարանում, հայտարարել է, որ ստիպված է եղել բաց հակամարտության գնալ Վլադիմիր Զելենսկու հետ, գրում է «Ռիա Նովոստի»-ն:
Ինչպես նշել է քաղաքական գործիչը, Ուկրաինայի նախագահի ելույթում նա սպառնալիք է զգացել՝ կապված Ուկրաինային ԵՄ-ին անդամակցելու վերաբերյալ հունգարացիների հարցման հետ:
«Միջազգային քաղաքականությանը դա կարող է մեկնաբանել միայն որպես լուրջ սպառնալիք, իսկ հունգարացիներին չի կարելի սպառնալ, և մենք չենք կարող համակերպվել նման սպառնալիքների հետ։ Ես ստիպված էի նման քայլ անել և գնալ բաց հակամարտության»,- նշել է Օրբանը:
Վարչապետը հավելել է, որ ինքը մինչև վերջին պահը փորձել է խուսափել Զելենսկու հետ վեճից՝ չարձագանքելով նրա սադրիչ հայտարարություններին։
Հավելենք՝ Հունգարիայում ապրիլի 14-ից սկսվել է բնակչության համընդհանուր հարցումը Եվրամիությանն Ուկրաինայի անդամակցության վերաբերյալ: Հարցաթերթիկները ուղարկվում են փոստով: Տեղեկագիրը պարունակում է մեկ հարց՝ «դուք աջակցում եք Ուկրաինայի անդամակցությանը ԵՄ-ին»: Հունիսին հարցման ավարտից հետո դրա արդյունքները կուղարկվեն Բրյուսել։
