1000 դոլար` ԱՄՆ-ն կամավոր լքելու համար
ԱՄՆ նախագահ Դոնալդ Թրամփի վարչակազմն առաջարկել է 1000 դոլար վճարել ԱՄՆ-ում անօրինական ներգաղթյալներին՝ երկիրը կամավոր լքելու և հայրենիք վերադառնալու համար: Այս մասին հայտնում է Associated Press-ը։
Ըստ կայքի՝ կտրամադրվի նաև ճանապարհածախսի աջակցություն։
«Եթե դուք անօրինական կերպով եք գտնվում ԱՄՆ-ում, ինքնակամ արտագաղթը լավագույն, ամենաանվտանգ և ամենաէժան տարբերակն է՝ ձերբակալումից խուսափելու համար»,- ասել է Ներքին անվտանգության քարտուղար Քրիսթի Նոեմը։
