Թրամփը` երրորդ անգամ նախագահ դառնալու մասին

ԱՄՆ նախագահ Դոնալդ Թրամփը հայտարարել է, որ չի առաջադրվելու երրորդ նախագահական ընտրությունների համար։ Նա այս մասին ասել է NBC News-ին տված հարցազրույցում։

«Ես նախագահ կլինեմ ութ տարի, երկու ժամկետով։ Միշտ մտածել եմ, որ դա շատ կարևոր է։ Ես անցկացնելու եմ չորս հիանալի տարի, ապա այն հանձնելու եմ մեկ ուրիշի», - ասել է Սպիտակ տան ղեկավարը։

Մարտի 30-ին Թրամփը հայտարարել էր, որ լուրջ է վերաբերվում իր հայտարարություններին հնարավոր երրորդ նախագահական ժամկետի մասին։ Նա ասել է, որ առաջադրվելու հարցը վաղաժամ է, բայց նշել է, որ «շատ մարդիկ» կաջակցեն այս որոշմանը։

Միևնույն ժամանակ, ԱՄՆ Սահմանադրությունն արգելում է վերընտրվել երկու ժամկետից ավելի: