Որքան գումար է պատրաստ վճարել Շվեդիան` միգրանտներին վերադառնալու դիմաց

Շվեդիայի վարչապետ Ուլֆ Քրիստերսոնը Euronews-ին հայտնել է, որ միգրացիան վերահսկելու բացարձակ անհրաժեշտություն կա։

Վերջինս առաջարկել է զգալիորեն ավելացնել Շվեդիայի կողմից միգրանտներին առաջարկվող գումարը՝ որպես երկրից հեռանալու ֆինանսական խթան։

Գրանտի չափը ներկայումս կազմում է 900 եվրո մեկ մեծահասակի համար։ Սակայն, մինչ օրս այս նախաձեռնությունը սահմանափակ հաջողություն է ունեցել։ Շվեդիայի միգրացիոն գործակալության տվյալներով՝ 2023 թվականին 70 դիմումներից միայն մեկն է հաստատվել։ Այս միտումը շրջելու համար կառավարության նոր առաջարկը կբարձրացնի գումարը մինչև 32,000 եվրո, ինչը կազմում է 3,400% աճ։

Թեև կամավոր վերադարձի համար ֆինանսական խթանների հայեցակարգը գոյություն ունի տասնամյակներ շարունակ, Քրիստերսոնն ասաց, որ այժմ ոգեշնչվում է Դանիայից, որը սահմանել է 22,000 մարդու թիրախային խումբ։

«Մենք, ըստ էության, ընդօրինակում ենք դանիական մոդելը և զգալիորեն ավելացնում այս գումարը՝ կյանքը հեշտացնելու նրանց համար, ովքեր գիտակցում են, որ կնախընտրեին վերադառնալ իրենց հայրենիք, բայց տարբեր պատճառներով չեն կարծում, որ երջանիկ կլինեն Շվեդիայում», - ասել է նա։