Թրամփը կոչ է արել դադարեցնել իրանական նավթի գնումները

ԱՄՆ նախագահ Դոնալդ Թրամփը կոչ է արել դադարեցնել իրանական նավթի և նավթաքիմիական արտադրանքի բոլոր գնումները:

Թրամփը զգուշացրել է, որ խախտողներին կարգելվի Միացյալ Նահանգների հետ գործարքներ կնքել «ցանկացած ձևով»։

«Իրանական նավթի կամ նավթաքիմիական արտադրանքի բոլոր գնումները պետք է անհապաղ դադարեցվեն։ Իրանից ցանկացած քանակությամբ նավթ կամ նավթաքիմիական արտադրանք գնող ցանկացած երկիր կամ անձ կենթարկվի անհապաղ երկրորդական պատժամիջոցների»,- գրել է նա: