Միգրացիոն ոլորտում կարգուկանոնի հաստատումը հասունացել է. ՌԴ ԱԳՆ
Վերջին տարում Ռուսաստանում ակտիվ աշխատանք է տարվում միգրացիոն օրենսդրության կատարելագործման ուղղությամբ, այդ ոլորտում կարգուկանոն հաստատելու անհրաժեշտությունն օբյեկտիվորեն հասունացել է: Այս մասին հայտարարել է ՌԴ ԱԳՆ ԱՊՀ երկրների 1-ին դեպարտամենտի տնօրեն Միքայել Աղասանդյանը:
«Կառաջարկեի այս իրավիճակում առաջին հերթին կենտրոնանալ Ռուսաստանի պրոֆիլային գերատեսչությունների կողմից տարվող աշխատանքի վրա՝ երկրի ղեկավարության հանձնարարականներին համապատասխան, որոնք թելադրված են միգրացիոն ոլորտում կարգուկանոնի հաստատման, ուղեկցող ընթացակարգերի կատարելագործման, այդ թվում՝ դրանց թվայնացման, ինչպես նաև անօրինական միգրացիայի դեմ պայքարի օբյեկտիվ հասունացած անհրաժեշտությամբ»,- ասել է նա:
Աղասանդյանը նշել է, որ այդ կապակցությամբ վերջին մեկ տարում Ռուսաստանում ակտիվ աշխատանք է տարվում միգրացիոն օրենսդրության կատարելագործման և համապատասխան ընթացակարգերի կանոնակարգման ուղղությամբ:
