Մենք սպասում ենք Չինաստանի առաջնորդին. Պեսկով
Չինաստանի Ժողովրդական Հանրապետության նախագահ Սի Ծինփինը մայիսի 9-ին Մոսկվայում կմասնակցի Հաղթանակի 80-ամյակի տոնակատարությանը։ Այս մասին ասել է Ռուսաստանի նախագահի մամուլի քարտուղար Դմիտրի Պեսկովը։
«Մենք սպասում ենք Չինաստանի առաջնորդին։ Նախագահ Սի Ծինփինը առանձին այց կունենա։ Մենք մեծ նշանակություն ենք տալիս այցին և պատրաստվում ենք դրան»,- հայտարարել է Պեսկովը:
Նշենք` Ռուսաստանի նախագահ Վլադիմիր Պուտինը Կրեմլում Չինաստանի ԱԳ նախարար Վան Իի հետ հանդիպմանը հայտարարել էր, որ Չինաստանի նախագահ Սի Ծինփինը մայիսին Ռուսաստանի գլխավոր հյուրը կլինի:
