Ստիպված ենք պայքարել նրա նողկալի ժառանգորդի դեմ․ Մեդվեդև

Ռուսաստանը ներկայումս ստիպված է կրկին պայքարել ֆաշիստների ժառանգների դեմ, դա Կիևի ռեժիմն է և նրա հովանավորները, հայտարարել է Ռուսաստանի Դաշնության Անվտանգության խորհրդի նախագահի տեղակալ Դմիտրի Մեդվեդևը, գրում է «Ռիա Նովոստի»-ն։

«Ութսուն տարի առաջ հսկայական ջանքերի և կորուստների գնով մեր ժողովուրդը ջախջախեց հիտլերյան ֆաշիզմը, բայց այսօր մենք ստիպված ենք կրկին պայքարել նրա նողկալի ժառանգորդի դեմ, դա Կիևի վարչակազմն  է, որը դաստիարակվել և զինված էր արևմտյան հովանավորների՝  վարչակազմի հովանավորների կողմից», - ասել է Մեդվեդևը: