Երևանի քաղաքապետարանը կլիմայական փոփոխությունների դեմ գործիքակազմ չունի․ Ավինյան

«Անձրևների քանակը Երևանում ավելանում է և ավելանալու է, դա պայմանավորված է աշխարհում կլիմայական փոփոխություններով»: Այս մասին հայտարարել է Երևանի քաղաքապետ Տիգրան Ավինյանը՝ անդրադառնալով անձրևներից հետո քաղաքում ստեղծված իրավիճակին։

«Ամեն տարի ավելի շատ անձրև է լինելու, և համապատասխան գործողություններ պետք է ձեռնարկենք»,- նշել է քաղաքապետը։

Նա նաև հավելել է, որ Երևանի քաղաքապետարանը կլիմայական փոփոխությունների դեմ իր լիազորությունների շրջանակում մեծ գործիքակազմ չունի։