Պուտինը հրադադար է հայտարարել
ՌԴ նախագահ Վլադիմիր Պուտինը Հաղթանակի 80-ամյակի օրերին հրադադար է հայտարարել: Այս մասին հայտնել Է Կրեմլի մամուլի ծառայությունը, գրում է «ՏԱՍՍ»-ը։
«Ռուսաստանի Դաշնության Զինված ուժերի գերագույն գլխավոր հրամանատար Վլադիմիր Պուտինի որոշմամբ, մարդասիրական նկատառումներից ելնելով, Հաղթանակի 80-ամյակի օրերին ռուսական կողմը հրադադար է հայտարարում։ Այս ընթացքում դադարեցվում են բոլոր մարտական գործողությունները»,- ասվում է հայտարարության մեջ ։
Հավելենք՝ այն կգործի՝ մայիսի 7-ի լույս 8-ի կեսգիշերից մինչև մայիսի 10-ի լույս 11-ի կեսգիշեր։
