Արթուր Դավթյանի փայլուն նվաճումը
Հայաստանի մարմնամարզության հավաքականի անդամ, Օլիմպիական խաղերի արծաթե և բրոնզե մեդալակիր, աշխարհի և Եվրոպայի չեմպիոն Արթուր Դավթյանը ոսկե մեդալ է նվաճել Կահիրեում ավարտին մոտեցող աշխարհի գավաթի խաղարկության 6-րդ փուլում:
Հենացատկի վարժության եզրափակչում Դավթյանը հավաքել է 14.700 միավոր և զբաղեցրել է առաջին տեղը:
Այսպիսով, Դավթյանը 4-րդ ոսկե մեդալն է նվաճել 2025 թ. անցկացված աշխարհի գավաթի խաղարկության փուլերում: Ավելի վաղ հայ մարմնամարզիկը դարձել էր Կոտբուսում, Ստամբուլում և Դոհայում անցկացված մրցաշարերի հաղթող: Նա նաև բրոնզե մեդալ էր նվաճել Խորվաթիայի Օսիեկ քաղաքում անցկացված սպորտային մարմնամարզության աշխարհի գավաթի խաղարկության չորրորդ փուլում:
Ավելի վաղ աշխարհի գավաթի խաղարկության 6-րդ փուլի հաղթողներ էին դարձել նաև Հայաստանի մարմնամարզության հավաքականի անդամներ Համլետ Մանուկյանն ու Արթուր Ավետիսյանը:
