Վրաստանը պարզեցրել է մուտքի թույլտվության ռեժիմը 17 երկրների համար

Վրաստանի իշխանությունները պարզեցրել են մուտքի թույլտվության ռեժիմը Ասիայի և Աֆրիկայի 17 երկրների քաղաքացիների համար։ Այս մասին հայտնել է «Новости-Грузия»-ն։

Պարզեցումները վերաբերում են՝ Աֆղանստանին, Բանգլադեշին, Գանային, Եթովպիային, Էրիթրեային, Եմենին, Կամերունին, Փղոսկրի Ափին, Կոնգոյին, Մարոկկոյին, Նիգերիային, Պակիստանին, Սոմալի, Սիրիային, Սուդանին, Տանզանիային, Ուգանդային:

Մայիսի 16-ից Ասիայի և Աֆրիկայի 17 երկրների քաղաքացիները կկարողանան առանց վիզայի մուտք գործել Վրաստան, եթե Արաբական Միացյալ Էմիրություններում, Բահրեյնում, Սաուդյան Արաբիայում, Կատարում, Քուվեյթում և Օմանում վավեր բազմակի մուտքի վիզա կամ բնակության թույլտվություն ունեն։