Մեծ Բրիտանիայի հերթական արգելքը՝ Ռուսաստանին

Մեծ Բրիտանիան պատժամիջոցների հերթական խստացման շրջանակներում արգելել է խաղային կարգավարների մատակարարումը Ռուսաստան: Այս մասին հայտնել է Միացյալ Թագավորության ԱԳ նախարարի տեղակալ Սթիվեն Դաութին:

«Մենք մեծացնում ենք ճնշումը, և այսօր մենք նոր պատժամիջոցներ ենք հայտարարել, այդ թվում՝ խաղային կոնսոլների համար նախատեսված կարգավորիչների նկատմամբ»,-ասել է Դաութին:

Լոնդոնի կողմից սահմանված սահմանափակումները վերաբերում են 150 դիրքերի, այդ թվում՝ էլեկտրոնային բաղադրիչներին, ինչպիսիք են ուժեղացուցիչներն ու սխեմաները, որոնք բրիտանական կառավարությունը խիստ կարևոր է համարում ռուսական ռազմական ներուժի զարգացման համար: Արգելք է սահմանվում նաև քիմիական նյութերի, էլեկտրոնիկայի, սարքավորումների և մետաղների արտահանման վրա՝ Ռուսաստանի ռազմական և արդյունաբերական հնարավորությունները սահմանափակելու նպատակով: