ԵԽ պատգամավորները ուղերձներ են հղել
Եվրախորհրդարանի մի խումբ պատգամավորներ ուղերձներ են հղել՝ ոգեկոչելով Հայոց ցեղասպանության զոհերի հիշատակի 110-րդ տարելիցը։
Պատգամավորներ՝ Նատալի Լուազոն, Ժորդան Բարդելան, Լորան Կաստիլյոն, Նիկոլա Բեյը, Ռայնհոլդ Լոպատկան, Նիլս Ուշակովսը, Մարիա Զախարիան գրառումներ են կատարել X-ի էջերում։
«Հայ ժողովրդի նկատմամբ իրականացված ցեղասպանությունը ոգեկոչելը զոհերին հարգանքի տուրք մատուցելու, նրանց նահատակությունը չմոռանալու և և հայ ժողովրդի՝ խաղաղության ու ապահովության մեջ ապրելու պարտավորությունն ապահովելու միջոց է»,- նշել է Նատալի Լուազոն:
