Նրբություններ կան, որոնք պետք է քննարկվեն․ Պեսկով

Ուկրաինայի կարգավորման հետ կապված բազմաթիվ նրբություններ կան, որտեղ պետք է մոտեցնել դիրքորոշումները, և այդ աշխատանքը շարունակվում է։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է «ՏԱՍՍ»-ը։

«Իհարկե, կարգավորման շուրջ բազմաթիվ նրբություններ կան, որոնք պետք է քննարկվեն, որտեղ պետք է մոտեցնել դիրքորոշումները և այլն։ Այդ աշխատանքը շարունակվում է»,- ասել է Պեսկովը։

Նա նաև նշել է, որ այսօր ուկրաինական կարգավորման տարբերակների որևէ ուրվագիծ չի կարող հրապարակվել։

«Լրատվամիջոցներում շատ տարբեր լցոնումներ են լինում: Դուք հասկանում եք, որ կարգավորման հետ կապված ամեն տարբերակ չի կարող հրապարակվել: Երբ դրանք հրապարակային են դառնում, կորցնում են իրենց արդյունավետությունը»,- հավելել է Պեսկովը։

Նա նաև հավելել է, որ Մոսկվան շփումներ չունի եվրոպացիների և ուկրաինացիների հետ, սակայն ՌԴ նախագահ Վլադիմիր Պուտինը բաց է մնում նման շփումների համար՝ ի շահ Ուկրաինայի հակամարտության կարգավորման։ Ռուսաստանը նաև շարունակում է դեմ լինել Ուկրաինայում եվրոպացի «խաղաղապահներին»։