Պետք է մաքրվեն այդ խոչընդոտները․ Պեսկով

Կիևը ցանկության դեպքում կարող է վերացնել ռուսական կողմի հետ շփումների խոչընդոտները, եթե նա բանակցությունների պատրաստակամություն ունի։ Այս մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը, գրում է «ՏԱՍՍ»-ը։

«ՌԴ նախագահ Վլադիմիր Պուտինն ավելի վաղ հայտարարել էր Ուկրաինայի հետ երկկողմ ձևաչափով քաղաքացիական օբյեկտներին հարվածներ չհասցնելու թեման քննարկելու պատրաստակամության մասին: Ցանկության դեպքում և ուկրաինական կողմի բաց լինելու դեպքում, հավանաբար, պետք է ինչ-որ քայլեր ձեռնարկվեն, որպեսզի իրավաբանորեն մաքրվեն այդ խոչընդոտները նման շփումների ճանապարհին, եթե կա նման պատրաստակամություն»,- ասել է Պեսկովը:

«Նախագահ Պուտինը բազմիցս խոսել է հարցերը բանակցությունների միջոցով լուծելու իր պատրաստակամության մասին, սա այդ պատրաստակամության ևս մեկ կրկնություն է»,- հավելել Է Կրեմլի ներկայացուցիչը: