Հայաստանը կկորցնի իր առավելությունները՝ եթե Արևմուտքը նրան ներքաշի այդ խաղի մեջ․ ՌԴ ԱԳՆ

Մոսկվան անհանգստացած է ԵՄ-ին անդամակցելու Երևանի ձգտմամբ, ասել է ՌԴ Արտաքին գործերի փոխնախարար Ալեքսանդր Գրուշկոն, գրում է «ՏԱՍՍ»-ը։

Նրա խոսքով՝ Հայաստանը վտանգում է կորցնել ԵԱՏՄ-ի առավելությունները, եթե Արևմուտքը նրան ներքաշի իր աշխարհաքաղաքական խաղերի մեջ:

«Հայտնի է, որ ԵԱՏՄ-ին մասնակցության շնորհիվ Հայաստանը դինամիկ զարգանում է, և տնտեսական աճ է նկատվում Երևանի համար բոլոր առանցքային ոլորտներում: Եվ սա հսկայական հարստություն է, որը Հայաստանը կարող է կորցնել, եթե Արևմուտքը նրան ներքաշի իր աշխարհաքաղաքական խաղի մեջ՝ փորձելով պոկել Հայաստանը Ռուսաստանից և այլ բնական դաշնակիցներից»,- ընդգծել է փոխնախարարը։

Այն հարցին, թե արդյոք Մոսկվան մտահոգված է ԵՄ-ին միանալու Երևանի ձգտումներով, Գրուշկոն դրական է պատասխանել։

«Բնականաբար, Հայաստանի՝ ԵՄ-ին անդամակցելու ձգտումները մտահոգիչ են, քանի որ նման ձգտումներն անհամատեղելի են ԵԱՏՄ-ին այս երկրի անդամակցության հետ, և մենք այդ մասին խոսում ենք հայ գործընկերների հետ մեր բազմաթիվ շփումներում»,- նշել է դիվանագետը։