Պուտինը հայտարարությամբ է հանդես եկել
ՌԴ նախագահ Վլադիմիր Պուտինը հայտարարել է, որ Զատկի զինադադարի ավարտից հետո ռազմաճակատում մարտերը կրկին վերսկսվել են։ Այս մասին հայտնում է ՌԻԱ Նովոստին։
Նրա խոսքով, «Ռուսաստանը միշտ դրական է վերաբերվում հրադադարին», ինչի պատճառով էլ հանդես է եկել այս նախաձեռնությամբ։
Պուտինը շաբաթ օրը հայտարարել էր հրադադարի մասին, որն ուժի մեջ էր ապրիլի 19-ին Մոսկվայի ժամանակով ժամը 18:00-ից մինչև ապրիլի 21-ի ժամը 00:00-ն: Զատկի զինադադարի ժամանակ, որը տևել է ընդհանուր առմամբ 30 ժամ, Պուտինն արգելել էր ցանկացած ռազմական գործողություն Ուկրաինայի հատուկ ռազմական գործողության գոտում: Նա նաև հրամայել է վերահսկել ուկրաինացի զինվորականների գործողությունները, որոնք կարող են խախտել հարվածների մորատորիումը և արագ հետ մղել Ուկրաինայի զինված ուժերի հարձակումները։
