Մկրտչյանը՝ Շենգավիթի թաղապետարանում կատարվածի մասին

Կոռուպցիոն դրսևորումները մեզ համար անընդունելի են, այս մասին գործակարգավորական նիստի ժամանակ հայտարարել է Երևանի քաղաքապետ Տիգրան Ավինյանը։

Ավելի վաղ հայտնել էինք, որ ԱԱԾ-ն հատուկ օպերացիա է իրականացրել Շենգավիթի թաղապետարանում։ Թաղապետարանի պաշտոնյաներից երկուսը, որոնք կասկածվում էին կաշառք պահանջելու և ստանալու մեջ, տեղափոխվել են ԱԱԾ։

Շենգավիթ վարչական շրջանի ղեկավար Ռազմիկ Մկրտչյանը տեղեկացրեց, որ ձերբակալված պաշտոնյաներից մեկի նկատմամբ տնային կալանք է կիրառվել։

«Համայնքային, պետական բյուջեից մեկ լումա անգամ գողանալը սրիկայություն է»,-ասաց Ռազմիկ Մկրտչյանը։