Դա Պուտինի նախաձեռնությունն էր․ Պեսկով

Կրեմլը դրական է գնահատում ԱՄՆ-ի հայտարարություններն այն մասին, որ Ուկրաինայի անդամակցությունը ՆԱՏՕ-ին բացառվում է: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է «ՏԱՍՍ»-ը։

«Ուկրաինական հակամարտությունում Զատկի հրադադարը ՌԴ նախագահ Վլադիմիր Պուտինի նախաձեռնությունն էր։ Նախագահը բաց է մնում Ուկրաինական խաղաղ կարգավորման շուրջ բանակցությունների համար, իսկ ԱՄՆ-ի հայտարարություններն այն մասին, որ Ուկրաինայի անդամակցությունը ՆԱՏՕ-ին բացառվում է, մենք դրական ենք վերաբերվում»,- ասել է Պեսկովը։

Նա նաև հավելել է, որ Ռուսաստանը բոլոր շահագրգիռ կողմերին կտեղեկացնի Ուկրաինայի կողմից Զատկի հրադադարի խախտումների մասին։