Այս գործոնը հակամարտության հիմնական պատճառներից մեկն է. Պեսկով
Վաշինգտոնից տարբեր մակարդակներով հաղորդագրություններն այն մասին, որ Ուկրաինայի անդամակցությունը Հյուսիսատլանտյան դաշինքին բացառվում է, գոհացնում են ռուսական կողմին։ Այս մասին լրագրողների հետ ճեպազրույցում ասել է ՌԴ նախագահի մամուլի քարտուղար Դմիտրի Պեսկովը։
Նա ընդգծել է, որ այդ հայտարարությունները համընկնում են Մոսկվայի դիրքորոշման հետ, որ Ուկրաինան չպետք է լինի ՆԱՏՕ-ի անդամ և չպետք է ունենա դաշինքին ինտեգրվելու հեռանկար։ Հակառակ դեպքում դա սպառնալիք կստեղծի Ռուսաստանի ազգային շահերի համար, հավելել է Պեսկովը։
Նրա խոսքով՝ այս գործոնը հակամարտության հիմնական պատճառներից մեկն է, որի մասին խոսել է ՌԴ նախագահ Վլադիմիր Պուտինը։
Կրեմլի ներկայացուցիչը նշել է, որ հակամարտությունը խաղաղ ճանապարհով կարգավորելու ուղիներ գտնելու ուղղությամբ աշխատանքը չի կարող և չպետք է տեղի ունենա հանրային ասպարեզում, այլ միայն դիսկրետ ձևով։ Այս իրավիճակում պետք է շատ զգույշ լինել անանձնական տեղեկատվության արտահոսքից
