Ուկրաինան գնդակոծել է ՌԴ ԶՈՒ դիրքերը․ կան զոհեր և վիրավորներ
Զինադադարի հայտարարումից հետո ուկրաինական զորքերը 444 անգամ հարձակվել են Ռուսաստանի ԶՈւ դիրքերի վրա, իրականացրել 900 ԱԹՍ-ի հարված։ Այս մասն հայտնել են ՌԴ պաշտպանության նախարարությունից, գրում է «ՏԱՍՍ»-ը։
«Ուկրաինական ստորաբաժանումները 444 անգամ հրացաններից և ականանետերից գնդակոծել են մեր զորքերի դիրքերը: Իրականացրել են կվադրոկոպտեր տիպի անօդաչու թռչող սարքերի 900 հարված և տարբեր զինամթերքի արտանետում, այդ թվում՝ Բրյանսկի, Կուրսկի և Բելգորոդի մարզերի սահմանամերձ շրջանների ուղղությամբ՝ 12 հրետակոծություն, ԱԹՍ-ի 33 հարված և զինամթերքի 7 արտանետում»,- ասվում է հաղորդագրության մեջ։
ՌԴ ՊՆ-ը նշել է, որ խաղաղ բնակչության շրջանում կան զոհեր և վիրավորներ, ինչպես նաև վնասվել են մի շարք քաղաքացիական օբյեկտներ։
