Ռուսաստանի հետ նման լեզվով պետք չէ խոսել․ Լավրով
Ուկրաինա զորքեր ուղարկելու շուրջ կոալիցիա ստեղծելու մտադրությունը խոսում է սեփական ունակությունները ցուցադրելու մասին, Ռուսաստանի հետ նման լեզվով խոսել պետք չէ։ Այս մասին տելեգրամի իր ալիքում հայտարարել Է ՌԴ Արտաքին գործերի նախարար Սերգեյ Լավրովը, գրում է «ՏԱՍՍ»-ը։
«Կոալիցիան, ըստ երևույթի, ձգտում է սեփական ունակությունները որոշելու և ցուցադրելու այնպես, ինչպես իրենք են ցանկանում՝ չլսելով և ընդհանրապես անտեսելով ուրիշների կարծիքները։ Դա կապված է նացիստական հայացքների, նացիստական սովորությունների հետ, բայց Ռուսաստանի հետ նման լեզվով խոսել պետք չէ», - ասել է նա ։
Նրա խոսքով՝ ՌԴ-ն տեսնում է, թե ինչպես է Մակրոնը, Սթարմերը, այժմ նաև Մերցը՝ կանցլերի պաշտոնը ստանձնելու նախօրեին, բացահայտ ռազմատենչ, թշնամական կարգախոսներ բղավում, սպառնում Ռուսաստանի Դաշնությանը:
«Ես չեմ կարծում, որ դա արտացոլում է ֆրանսիացի, գերմանացի ժողովուրդների դիրքորոշումը ևս մեկ անգամ կրկնեմ՝ մեր նյարդերն ամուր են։ ՌԴ նախագահ Վլադիմիր Պուտինը բազմիցս ասել է, որ մենք պատրաստ ենք քննարկել ցանկացած խնդիր։ Բայց, իհարկե, մենք քաղաքավարի մարդիկ ենք և տարրական պարկեշտություններ ենք ակնկալում նրանց կողմից, ովքեր անխուսափելիորեն կդիմեն մեզ», - ընդգծել է Լավրովը։
