Չինաստանում փորձարկվել է ջրածնային ռումբ
Չինացի հետազոտողները հաջողությամբ փորձարկել են ջրածնի վրա հիմնված պայթուցիկ սարք, որը չի պարունակում որևէ միջուկային նյութ: Ահս մասին հայտնում է South China Morning Post (SCMP) թերթը։
Պարբերականի տվյալներով՝ սարքը մշակվել է Չինաստանի պետական նավաշինական կորպորացիայի (CSSC) գիտահետազոտական ինստիտուտի կողմից։ Նման ռումբն օգտագործում է մագնեզիումի հիդրիդ քիմիական միացություն: Երկուկիլոգրամանոց սարքի փորձնական պայթյունի ժամանակ առաջացել է ավելի քան հազար աստիճան Ցելսիուսի ջերմաստիճան ունեցող հրե գունդ:
Ստեղծողների կարծիքով՝ նման համադրությունը թույլ է տալիս ճշգրիտ վերահսկել պայթյունի ինտենսիվությունը՝ հեշտությամբ հասնելով թիրախների հավասարաչափ խոցմանը, հսկայական տարածքում։
