ԱՄՆ-ն Իրանի հետ բանակցությունների մասին․ մանրամասներ

Վաշինգտոնի վարչակազմը կարծում է, որ Հռոմում ԱՄՆ-ի և Իրանի միջև բանակցություններում առաջընթաց է գրանցվել: Այս մասին լրագրողներին ասել է ամերիկացի պաշտոնյան, գրում է «ՏԱՍՍ»-ը ։

«Այսօր Հռոմում բանակցությունների երկրորդ փուլի ընթացքում, որը տևել է ավելի քան չորս ժամ, մենք շատ լավ առաջընթաց ենք գրանցել ուղղակի և անուղղակի քննարկումների ընթացքում։ Մենք պայմանավորվել ենք կրկին հանդիպել հաջորդ շաբաթ և երախտապարտ ենք մեր Օմանի գործընկերներին բանակցություններին աջակցելու, ինչպես նաև մեր իտալացի գործընկերներին  մեզ հյուրընկալելու համար», - հավելել Է պաշտոնյան:

Հավելենք, որ երկրորդ փուլի արդյունքներով Օմանի արտաքին քաղաքական գերատեսչությունը հայտարարել է, որ ԱՄՆ-ն և Իրանը քննարկում են համաձայնագիր, որը թույլ կտա Իսլամական Հանրապետությանը պահպանել խաղաղ միջուկային էներգետիկայի զարգացման հնարավորությունը: Բանակցությունները պետք է ապահովեն Թեհրանի կողմից միջուկային զենքի մշակումից հրաժարվելը և նրա նկատմամբ սահմանված պատժամիջոցների վերացումը: