Չինաստանը հերքել է Զելենսկու մեղադրանքները

Չինաստանի արտաքին գործերի նախարարության պաշտոնական ներկայացուցիչ Լին Ցզյանը հերքել է Ուկրաինայի նախագահ Վլադիմիր Զելենսկու մեղադրանքները:

«Մենք մշտապես ակտիվորեն հանդես ենք եկել պատերազմի և կրակի դադարեցման, ինչպես նաև խաղաղության հաստատման և բանակցությունների օգտին։ Չինաստանը երբեք մահացու զենք չի մատակարարել հակամարտության որևէ կողմին և խիստ վերահսկողություն է կիրառում երկակի նշանակության ապրանքների վրա։ Ուկրաինական կողմը նույնպես հստակ և հրապարակայնորեն նշում է, որ Ռուսաստանը զենքի բաղադրիչների հիմնական մասը ներմուծում է ԱՄՆ-ից և այլ արևմտյան երկրներից։ Չինաստանը վճռականորեն դեմ է անհիմն մեղադրանքներին և քաղաքական մանիպուլյացիաներին»,- գրված է ԱԳՆ պաշտոնական կայքում։

Չինաստանի արձագանքը հնչեց այն բանից հետո, երբ Վլադիմիր Զելենսկին հայտարարեց, որ Չինաստանը Ռուսաստանի տարածք է մատակարարում վառոդ և հրետանի, ինչպես նաև որոշ զենքեր է արտադրում Ռուսաստանի տարածքում։