Նախաձեռնողը՝ Ադրբեջանն է եղել․ Բայրամով
Հայաստանի հետ խաղաղության համաձայնագրի ստորագրման գործընթացի նախաձեռնողը Ադրբեջանն է, մենք մեր ներդրումն ենք ունեցել այդ գործընթացում։ Այս մասին հայտարարել է Ադրբեջանի արտաքին գործերի նախարար Ջեյհուն Բայրամովն, հայտնում են ադրբեջանական լրատվամիջոցները։
«Խաղաղության համաձայնագրի հետ կապված գործընթացն ամբողջությամբ ավարտելու և այն ստորագրման մակարդակի հասցնելու համար Միրզոյանի հետ հանդիպման ժամանակ մենք հայկական կողմին ևս մեկ անգամ հիշեցրինք Ադրբեջանի լեգիտիմ պահանջների մասին։ Հայաստանը ցանկանում է դա ներկայացնել որպես նոր պայմաններ։ Դա այդպես չէ, մենք ակնկալում ենք այդ պահանջների կատարումը Հայաստանի կողմից 2022 թվականից։ Հայաստանի ուշադրությանը ևս մեկ անգամ կարևորվեց տարածքային հավակնությունների հարցը Հայաստանի Սահմանադրության մեջ և անհարկի Մինսկի խմբի վերացումը»,- ասել է Բայրամովը:
