Կարևորագույն հարցերի շուրջ նրանք մեզ լսում են․ Զախարովա
Ռուսաստանը շարունակում է վստահելի շփումները ամերիկյան կողմի հետ: Վաշինգտոնը լսում և հասկանում է Մոսկվայի դիրքորոշումը մի շարք առանցքային հարցերի, այդ թվում՝ ուկրաինական ճգնաժամի վերաբերյալ։ Այս մասին ճեպազրույցում հայտարարել է ՌԴ Արտաքին գործերի նախարարի պաշտոնական ներկայացուցիչ Մարիա Զախարովան, գրում է «ՏԱՍՍ»-ը։
«Մենք շարունակում ենք վստահելի շփումները ամերիկյան կողմի հետ, տեսնում ենք, որ մի շարք կարևորագույն հարցերի շուրջ նրանք մեզ լսում են, - նշել է նա։ Մենք կարծում ենք, որ տրամադրված տեղեկատվության հիման վրա նրանք սկսել են ավելի լավ հասկանալ որոշակի ասպեկտներ, նրանք ավելի լավ են սկսել հասկանալ ուկրաինական ճգնաժամի արմատական պատճառների վերացման այլընտրանք չունեցող մեր փաստարկները», - ասել է նա ։
