Սա աբսուրդի իսկական թատրոն է․ Զախարովա
Զելենսկու մտադրությունը՝ մայիսի 9-ին Կիև հրավիրել Եվրամիության առաջնորդներին, աբսուրդի իսկական թատրոն է։ Այս մասին հայտարարել է Արտաքին գործերի նախարարության պաշտոնական ներկայացուցիչ Մարիա Զախարովան, գրում է «Ռիա Նովոստի»-ն ։
«Արտահայտությունը, որը մենք սկսել ենք օգտագործել մոտավորապես 2013 թվականից, աբսուրդի թատրոնն է։ Հենց այս խոսքերով են արդեն ավելի քան տասը տարի նկարագրվում այսպես կոչված հավաքական Արևմուտքից բխող բազմաթիվ միջոցառումները, որոշումներն ու հայտարարությունները»,- հայտարարել է նա ։
Ինչպես հաղորդում է Politico պարբերականը, Ուկրաինայի կառավարությունը մայիսի 9-ին Կիև է հրավիրել եվրոպացի առաջնորդներին և բարձրաստիճան պաշտոնյաներին: Այս հրավերի նպատակն է ցույց տալ Ռուսաստանի հակակշիռը և ուշադրությունը շեղել Մոսկվայում Հաղթանակի 80-ամյակին նվիրված շքերթից:
Հավելենք, որ 2023 թվականին Զելենսկին փոխեց Երկրորդ համաշխարհային պատերազմի Հաղթանակի օրվա տոնակատարության ամսաթիվը մայիսի 9-ից 8-ը՝ տոնը վերանվանելով հիշատակի և նացիզմի դեմ հաղթանակի օր։
