Հստակ ուրվագծեր չկան այդ համաձայնագրի վերաբերյալ․ Պեսկով
Ուկրաինական կարգավորման վերաբերյալ համաձայնագրի հստակ ուրվագծեր դեռ չկան, բայց կա քաղաքական կամք՝ շարժվելու դրա ուղղությամբ: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, հայտնում է «Ռիա Նովոստի»-ն։
Ճեպազրույցի ընթացքում Պեսկովին խնդրել են մեկնաբանել ԱՄՆ նախագահի հատուկ ներկայացուցիչ Սթիվ Ուիթքոֆի խոսքերն այն մասին, որ Ռուսաստանի հետ գործարքը մոտենում է, և արդյոք Վաշինգտոնն ու Մոսկվան պատրաստ են ստորագրել ինչ-որ համաձայնագիր:
«Առայժմ հստակ ուրվագծեր չկան ինչ-որ համաձայնագրի վերաբերյալ, բայց կա քաղաքական կամք՝ շարժվելու այդ համաձայնագրի ուղղությամբ։ Կարող եմ ևս մեկ անգամ կրկնել՝ մենք շատ, շատ դրական ենք գնահատում այն կառուցողական և բովանդակալից շփումները, որոնք տեղի են ունեցել»,- ասել Է Պեսկովը ։
