Այս խնդիրները երկար տարիների պատմություն ունեն․ Փաշինյան
Հայաստանում՝ այսօր գործող դատավորների կազմը, մոտավորապես 60%-ը նշանակվել է 2018 թվականից հետո։ Այս մասին Ազգային ժողովում հայտարարել է վարչապետ Նիկոլ Փաշինյանը։
«Բառի բուն իմաստով զրոյից նոր հակակոռուպցիոն դատարան ենք ստեղծել՝ առաջին ատյանի, վերաքննիչ և վճռաբեկ դատարաններով, բայց ինչքան էլ դժվար լինի խոստովանելը, հակակոռուպցիոն դատարանի հանրային ընկալումները հաճախ չեն տարբերվում մեր մնացած դատարանների ընկալումներից։ Սա մեզ պետք է հուշի, որ խնդիրները և դրանց լուծումները այնքան էլ պարզ չեն, որքան կարող է թվալ։ Վարչապետի պաշտոնից իմ 7 տարվա դիտարկումների համաձայն այս խնդիրները առաջին հերթին կապված են այն իրավաբանական կրթության հետ, որ երկար տարիներ հաստատվել է Հայաստանում»,- ասել է Փաշինյանը։
