Սպասում ենք մեր գործընկերներին․ Զախարովա

Ռուսաստանն ակնկալում է իրանական պատվիրակության այցը Մոսկվա` ՌԴ ԱԳ նախարար Սերգեյ Լավրովի հետ բանակցելու համար: Այս մասին հայտարարել է Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան, փոխանցում է «ՏԱՍՍ»-ը ։

«Սպասում  ենք իրանցի գործընկերներին, բանակցություններ են նախատեսված Սերգեյ Վիկտորովիչ Լավրովի հետ»,-ասել է նա:

Դիվանագետի խոսքով՝ Իրանի ներկայացուցիչները կհանդիպեն նաև ռուս այլ պաշտոնյաների հետ:

Ավելի վաղ Իրանի ԱԳՆ ներկայացուցիչ Իսմայիլ Բաղին հայտարարել էր, որ Իրանի արտգործնախարար Աբբաս Արաղչին կայցելի Մոսկվա՝ ռուսական կողմի հետ քննարկելու Թեհրանի և Վաշինգտոնի միջև կայացած բանակցությունները:

Զախարովայի խոսքով՝  կկայանա շաբաթվա վերջին։