Հայ-ադրբեջանական սահմանին տիրող իրավիճակը մտահոգիչ է․ Ֆրանսիայի ԱԳՆ

Հայ-ադրբեջանական սահմանին լարվածության աճ է նկատվում։ Այս մասին Ֆրանսիայի ԱԳՆ նախարար Ժան-Նոել Բարրոնը ասել է Լյուքսեմբուրգում ԵՄ արտաքին գործերի խորհրդի նիստից առաջ, գրում է «Ռիա Նովոստի»-ն։

«Ես շատ մտահոգված եմ հայ-ադրբեջանական սահմանին՝ լարվածության աճով։ Հուսով եմ, որ տեղում տեղակայված եվրոպական առաքելությունը կարող է ընդլայնվել, որպեսզի կարողանա դիտարկել և զսպել այդ լարվածությունը»,- ասել է Ֆրանսիայի ԱԳՆ նախարար։