17 տուն և 1 դպրոց. Տաջիկստանում տեղի ունեցած երկրաշարժի հետևանքները
Տաջիկստանում այսօր առավոտյան տեղի ունեցած երկրաշարժի հետևանքով մասամբ ավերվել է ցնցումների էպիկենտրոնում գտնվող 17 բնակելի շենք։
Այս մասին հայտնել են հանրապետության կառավարությանն առընթեր Արտակարգ իրավիճակների և քաղաքացիական պաշտպանության կոմիտեի (ԿԱՊԿ) ճգնաժամային կառավարման կենտրոնից։
«Նախնական տվյալներով, Տաջիկստանի արևելքում՝ երկրաշարժի էպիկենտրոնում, մասամբ ավերվել է 17 բնակելի շենք և մեկ դպրոց»,- ասվում է հաղորդման մեջ։
Հիշեցնենք, որ տեղի արտակարգ իրավիճակների կոմիտեի տվյալներով, ստորգետնյա ցնցումների էպիկենտրոնը գտնվել է Դուշանբե քաղաքից 160 կմ հյուսիս-արևելք՝ Ռաշտի շրջանում։ Սեյսմոլոգների տվյալներով, երկրաշարժի ուժգնությունը այնտեղ եղել է 5 բալ, Դուշանբեում՝ 4 բալ։ Վնասը գնահատելու համար տուժած տարածք է մեկնել Արտակարգ իրավիճակների կոմիտեի հանձնաժողովը։
