ԱՄՆ-ն դա թույլ չի տա․ Թրամփ

Միացյալ Նահանգների վարչակազմը թույլ չի տա Իրանին միջուկային զենք ձեռք բերել։ Այս մասին հայտարարել է ԱՄՆ նախագահ Դոնալդ Թրամփը, գրում է «ՏԱՍՍ»-ը։

«Ես ուզում եմ, որ նրանք միջուկային զենք չունենան: Ես ցանկանում եմ, որ Իրանը բարգավաճի, լինի հիանալի, մեծ, երջանիկ երկիր, բայց նրանք չեն կարող միջուկային զենք ունենալ, և մենք շաբաթ օրը կխորհրդակցենք նրանց հետ: Մենք մեծ հանդիպում կունենանք նրանց հետ»,- ընդգծել է Թրամփը:

Հավելենք, որ ԱՄՆ նախագահի հատուկ բանագնաց Սթիվեն Վիթքոֆի ինքնաթիռը վայրէջք է կատարել Օմանում։

Այսօր Օմանում կկայանա ԱՄՆ-ի և Իրանի ներկայացուցիչների հանդիպումը, որտեղ նրանք նախատեսում են քննարկել իրանական միջուկային ծրագրի շուրջ ստեղծված իրավիճակի կարգավորման պարամետրերը։