Սուպերհամակարգիչը վերցրել ենք, ուզում ենք շարիկ գլորել. Փաշինյան

Երևանի պետական համալսարանը պետք է սովորի օգտագործել սուպերհամակարգիչ։ Այս մասին այսօր կառավարության նիստում հայտարարել է ՀՀ վարչապետ Նիկոլ Փաշինյանը:

«Սա որևէ առարկության չի կարող դիմանալ։ Այդ թվում՝ կառավարությունը, ԿԳՄՍՆ-ն պետք է սովորեն կառավարել սուպերհամակարգիչ»,- ասել է նա։

Փաշինյանի խոսքով՝ ոչ մի ամոթ բան չկա դրա մեջ, քանի որ մենք չենք ունեցել սուպերհամակարգիչ, և պետք է սովորենք։

«Ավելի լայն համատեքստում՝ մի սուպերհամակարգիչ էլ պետությունն է։ Հարյուրամյակներով պետություն չենք ունեցել, և պետությունն ավելի բարդ սուպերհամակարգիչ է, քան ամենաբարդ սուպերհամակարգիչը։ Էս ա մեր պրոբլեմը․ չգիտենք օգտագործել։ Մենք սուպերհամակարգիչը վերցրել ենք, ուզում ենք շարիկ գլորել, բայց այն դրա համար չէ նախատեսված»,- հավելել է Փաշինյանը։