
Ռուսական ֆուտբոլի վերադարձը միջազգային ասպարեզ մոտենում է

ՖԻՖԱ-ի նախագահ Ջանի Ինֆանտինոն Եվրոպական ֆուտբոլային ասոցիացիաների միության (ՈՒԵՖԱ) կոնգրեսի ժամանակ Բելգրադում հայտարարել է, որ հույս ունի՝ Ռուսաստանի ֆուտբոլային թիմերը շուտով կրկին կմասնակցեն միջազգային մրցաշարերին։
«Ուկրաինայում խաղաղության շուրջ բանակցություններ են ընթանում։ Հուսով եմ, շուտով կկարողանանք անել հաջորդ քայլը և վերադարձնել ռուսական ֆուտբոլը միջազգային ասպարեզ։ Դա կնշանակի, որ ամեն ինչ կարգավորվել է», – ասել է Ինֆանտինոն։
Հիշեցնենք, որ 2022 թվականի գարնանից ՖԻՖԱ-ն և ՈՒԵՖԱ-ն, հետևելով ՄՕԿ-ի հանձնարարականներին, հեռացրել էին Ռուսաստանի հավաքականն ու ակումբները միջազգային խաղերից։