Հայաստանի հավաքականը պարտվեց Վրաստանի ընտրանուն

ՈւԵՖԱ-ի Ազգերի լիգայի խաղարկությունում այսօր՝ մարտի 20-ին Հայաստանի ազգային հավաքականը Երևանի Վազգեն Սարգսյանի անվան «Հանրապետական» մարզադաշտում հյուրընկալեց Վրաստանի ընտրանուն։

Հանդիպումն ավարտվել է հյուրերի հաղթանակով՝ 3։0։ Վրացիների առաջին գոլը 33-րդ րոպեին խփեց կիսապաշտպան Գիորգի Կոչորաշվիլին։ 37-րդ և 59-րդ րոպեներին հարձակվող Գիորգիս Միկաուտաձեն երկու անգամ գրավեց դարպասը։ Հատկանշական է, որ Միկաուտաձեի առաջին գոլը փոխանցեց դարպասապահ Գիորգի Մամարդաշվիլին։

Պատասխան հանդիպումը կկայանա մարտի 23-ին Թբիլիսիի Բորիս Պաիչաձեի «Դինամո Արենա» մարզադաշտում։ Այս դիմակայության հաղթողը հանդես կգա B լիգայում, իսկ պարտվողը՝ C լիգայում։