USAID-ն կվերակազմավորվի. Ռուբիո
Պետքարտուղարությունը Կոնգրեսին տեղեկացրել է ԱՄՆ Միջազգային զարգացման գործակալությունը (USAID) վերակազմավորելու իր մտադրության մասին։ Այս մասին հայտարարել է ԱՄՆ պետքարտուղար Մարկո Ռուբիոն, փոխանցում է Reuters-ը՝ վկայակոչելով Պետդեպարտամենտի ղեկավարի հայտարարությունը։
«Մենք վերակողմնորոշում ենք մեր արտաքին օգնության ծրագրերը, որպեսզի դրանք ուղղակիորեն համընկնեն Միացյալ Նահանգների և մեր քաղաքացիների համար լավագույնի հետ», - ասել է Ռուբիոն:
Պետքարտուղարը մանրամասնել է, որ վերակազմավորումը ենթադրում է «USAID-ի որոշ գործառույթների փոխանցում դեպարտամենտին» մինչև հուլիսի 1-ը։ Գործակալության մյուս գործառույթները կվերացվեն, եթե դրանք չծառայեն Վաշինգտոնի շահերին։
Ավելի վաղ հայտնի էր դարձել, որ ԱՄՆ նախագահ Դոնալդ Թրամփի վարչակազմը ավելի քան 27 միլիարդ դոլարով կրճատել է ամերիկյան միջազգային օգնությունը USAID-ի գործունեության շրջանակներում։
