Կրակոցներ` Նյու Մեքսիկոյում. կան տուժածներ և զոհեր
The New York Times-ը, վկայակոչելով ամերիկյան Լաս Կրուսես (Նյու Մեքսիկո) քաղաքի քաղաքապետ Յոհանա Բենկոմոյին, հայտնում է, որ հրաձգության հետևանքով երեք մարդ է զոհվել։
«Հրաձգության հետևանքով տուժել է առնվազն 16 բնակիչ»,- ասել է քաղաքապետը։
Կասկածյալների ինքնությունը պարզված չէ, նրանց շարժառիթներն անհայտ են։ Ականատեսները պատմում են, որ մինչ կրակոցների սկսվելը սպորտային մեքենաների սեփականատերերի ամենամսյա հանդիպման մասնակիցների միջև վիճաբանություն է եղել:
