Ավելի քան 20 զոհ` Հարավային Կորեայում հրդեհների հետևանքով

Հարավային Կորեայի հարավ-արևելքում անտառային հրդեհների հետևանքով առնվազն 24 մարդ է զոհվել։ Այս մասին հայտնում է Yonhap լրատվական գործակալությունը։

Լրատվամիջոցների տվյալներով՝ հրդեհի մարմանը ներգրավված է մոտ հինգ հազար հրշեջ և մոտ 560 միավոր տեխնիկա, այդ թվում՝ տասնյակ հատուկ ուղղաթիռներ։

Գործակալությունը գրում է, որ ուժեղ քամին ու չոր եղանակը դժվարացնում են անտառային հրդեհների մարումը։

Վերջին տվյալներով՝ հրդեհը ոչնչացրել է 17 հազար հեկտար անտառ և ավելի քան 200 տուն։ Ավերվել է նաև 681 թվականին կառուցված Կունսայի հնագույն տաճարային համալիրը։