Մեղադրողը մենք չենք, այլ Ադրբեջանը․ Սուրեն Պապիկյան
Մեղադրողը մենք չենք, այլ Ադրբեջանը, ուստի բազմիցս նշել ենք, որ տեսանյութեր տրամադրեն մեզ, մենք պատրաստ ենք հետաքննել։ Այս մասին ճեպազրույցում հայտարարել է ՀՀ պաշտպանության նախարար Սուրեն Պապիկյանը։
«Մեղադրող կողմին խնդրել ենք, որ եթե ունեն ապացույցներ տրամադրեն, խնդրել ենք տեսագրություններ տրամադրեն, բայց մինչև այս պահը ոչինչ չկա։ Մենք պատրաստ ենք ուսումնասիրել, հետաքննել, եթե իհարկե կլինեն փաստեր։ Այս պահին գնահատական տալ չեմ կարող, թե ինչու է Ադրբեջանը ապատեղեկատվություն տարածում։ Ինչ փաստեր որ ունենք, ըստ դրա կարող եմ գնահատական տալ, կրկնելով, որ եթե կլինեն ապացույցներ, մենք պատրաստենք ուսումնասիրել և քննել»,- ասել է նախարարը։
Նախարարը նաև պատասխանեց այն հարցին, թե արդյոք Ադրբեջանի կողմից զորքերի տեղաշարժ կա․
«Այս պահին Ադրբեջանի կողմից, զորքերի տեղաշարժ չկա»,- ասաց նա։
