Իրանը հարգանքի վրա հիմնված բանակցություններ է փնտրում. Պեսկով
ՌԴ նախագահի մամուլի քարտուղար Դմիտրի Պեսկովը հայտարարել է, որ Իրանը կառուցողական և փոխադարձ հարգանքի վրա հիմնված բանակցություններ է փնտրում միջուկային դոսյեի հետ կապված իրավիճակի շուրջ։
Ավելի վաղ ԱՄՆ նախագահ Թրամփը հայտնել էր, որ նամակ է հղել Իրանի գերագույն առաջնորդ Ալի Խամենեիին՝ հայտարարելով, որ կնախընտրեր միջուկային ծրագրի շուրջ համաձայնագիր կնքել, այլ ոչ թե այդ հարցը լուծել ռազմական ճանապարհով:
Մարտի 8-ին Իրանի գերագույն առաջնորդ այաթոլլա Ալի Խամենեին երկրի կառավարության ներկայացուցիչների հետ ամենշաբաթյա հանդիպման ժամանակ հայտարարել է, որ Թեհրանը բանակցություններ չի վարի այն պետությունների հետ, որոնք միայն իրենց շահերն են սպասարկում:
