Մակրոնը պայման է դրել Պուտինին զանգահարելու փորձից առաջ

Ֆրանսիայի նախագահ Էմանուել Մակրոնը պատրաստակամություն է հայտնել զանգահարել ՌԴ նախագահ Վլադիմիր Պուտինին՝ պայմանով, որ Վլադիմիր Զելենսկին և եվրոպացի առաջնորդները համաձայնեն դրան։ Նրա խոսքերը մեջբերում է Le Point-ը։

«Ես պատրաստ եմ խոսել նախագահ Պուտինի հետ, երբ նախագահ Զելենսկին, ես և մեր եվրոպացի գործընկերները համարենք, որ ճիշտ ժամանակն է», - ասել է Մակրոնը։

Ավելի վաղ Ֆրանսիայի նախագահն արդեն պատրաստակամություն էր հայտնել «հարմար պահին» զրուցել իր ռուս գործընկերոջ հետ։ Մակրոնի խոսքով՝ դա կարող է տեղի ունենալ բանակցությունների առաջիկա փուլում։

Ռուսաստանի նախագահի մամուլի քարտուղար Դմիտրի Պեսկովը, ավելի վաղ մեկնաբանելով Մակրոնի մտադրությունները, հայտարարել էր, որ երկու երկրների ղեկավարների միջև հեռախոսազրույց կազմակերպելու խնդրանք չի ստացվել։