Մանրամասներ՝ գնացքի և մարդատար մեքենայի վթարից. ՆԳՆ

«Հարավկովկասյան երկաթուղի ընկերությունը մանրամասներ է հայտնել գնացքի ու մարդատար մեքենայի բախման հանգամանքների մասին՝ հայտնելով, որ վթարի հետևանքով, դժբախտաբար, զոհեր կան։

Մարտի 5-ին ժամը 19:30-ի սահմաններում «Հարավկովկասյան երկաթուղի» ընկերության Երևան-Երասխ երթուղով ընթացող մերձքաղաքային էլեկտրագնացքը բախվել է մարդատար մեքենայի: Բախումը տեղի է ունեցել Մասիս-Արտաշատ վազուրդի չկառավարվող գծանցման հատվածում ՝ ավտոմեքենայի վարորդի կողմից թույլ տրված ճանապարհային երթևեկության կանոնների խախտման պատճառով: Դժբախտաբար, մեքենայում գտնվող չորս անձանցից երկուսը մահացել են:

«Հարավկովկասյան երկաթուղի» ընկերությունը իր խորին ցավակցությունն է հայտնում մահացածների հարազատներին և մերրձավորներին, ու քաղաքացիներին հերթական անգամ կոչ է անում պահպանել գծանցումների հատման ճանապարհային երթևեկության կանոնները:

Հիշեցնենք՝ ավելի վաղ տեղեկացրել էինք, որ Բուրաստան գյուղի մոտ ավտոմեքենան բախվել է գնացքին։ ՆԳՆ ՓԾ-ն էլ հայտնել էր, որ 2 անձ է տուժել։