Կանադան պատասխան գործողություններ է ձեռնարկել ԱՄՆ–ի դեմ
Կանադայի վարչապետ Ջասթին Թրյուդոն ասել է, որ եթե երեքշաբթի կանադական ապրանքների վրա մաքսատուրքեր սահմանելու Թրամփի վարչակազմի որոշումն ուժի մեջ մտնի, Օտտավան անմիջապես կպատասխանի՝ մաքսատուրքեր սահմանելով ամերիկյան ապրանքների վրա, հաղորդում է CNN-ը։
«Կանադան թույլ չի տա, որ այս չարդարացված որոշումը անպատասխան մնա: Եթե ամերիկյան մաքսատուրքերը ուժի մեջ մտնեն այս գիշեր (Չորեքշաբթի երեկոյան Երևանի ժամանակով), Կանադան (...) կսահմանի 25 տոկոս մաքսատուրք 155 միլիարդ դոլար արժողությամբ ամերիկյան ապրանքների վրա», - ասել է Թրյուդոն:
Թրյուդոն բացատրել է, որ տուրքերի ներդրումը կսկսվի 30 միլիարդ դոլար ընդհանուր արժողությամբ ապրանքներից, իսկ մնացած 125 մլրդ դոլար արժողությամբ ապրանքների համար՝ 21 օրվա ընթացքում։
Կանադայի վարչապետը կարծում է, որ ԱՄՆ-ի համար «ոչ մի արդարացում» չկա մաքսատուրքեր սահմանելու համար, քանի որ կանադական իշխանությունների ձեռնարկած միջոցները նվազեցրել են Կանադայից ԱՄՆ եկող ֆենտանիլի հոսքը 97%-ով։
Ավելի վաղ հաղորդվել էր, որ Թրամփը հայտարարել է, որ մտադիր է մաքսատուրքեր սահմանել Կանադայից և Մեքսիկայից ապրանքների վրա։
«Այլ տարբերակներ չկան, վաղը մաքսատուրքեր կլինեն»,- ասել է նա Սպիտակ տանը։
