Պատերազմի վտանգը ավելի մեծ է, քան երբևէ. Ֆրանսիայի ԱԳ նախարար
Եվրոպայում պատերազմի մեծ վտանգ կա։ Այս մասին հայտարարել է Ֆրանսիայի ԱԳ նախարար Ժան-Նոել Բարրոն:
«Երբեք եվրոպական մայրցամաքում, Եվրամիությունում պատերազմի վտանգը այդքան մեծ չի եղել։ Շուտով կլրանա 15 տարի, ինչ սպառնալիքը չի դադարում մոտենալ մեզ, ճակատային գիծը չի դադարել մոտենալ մեզ»,- ասել է նա:
Վերջինս անդրադարձել է Ֆրանսիայի նախագահ Էմանուել Մակրոնի խոսքերին՝ «սպառնալիքը զսպելու համար» եվրոպական պաշտպանությունն ուժեղացնելու անհրաժեշտության մասին։
Նախարարը նախօրեին Լոնդոնում տեղի ունեցած Ուկրաինայի հարցով մի շարք եվրոպացի առաջնորդների հանդիպումն անվանել է «եվրոպացիների մի ամբողջ հատվածի արթնացում, որը հրաժարվել էր տեսնել իրականությունը»։
