Հրաժարվել ԱՄՆ-ի վասալային բարքերից․ Մակրոնի կոչը
Ֆրանսիայի նախագահ Էմանուել Մակրոնը Պորտուգալիա կատարած այցի ընթացքում եվրոպացիներին կոչ է արել հրաժարվել ԱՄՆ-ի վասալային բարքերից: Գրում է AFP գործակալությունը։
«Ես տեսնում եմ, թե ինչպես են Եվրոպայում շատերն ասում, որ անհրաժեշտ է քաղաքավարի լինել ԱՄՆ-ի հետ։ Այո, պետք է քաղաքավարի լինել, բայց նաև պետք է պահպանել այն, ինչ մենք ունենք, պետք չի հնազանդվել։ Ես դեմ եմ երջանիկ վասալացմանը»,- ասել է Մակրոնը։
Մակրոնի խոսքով ՝ Եվրոպան պետք է վերափոխվի, որպեսզի վերագտնի այն ուժը, որը, կարծես թե, կորցրել է:
Հավելենք, որ Թրամփը կարգադրել է 25 տոկոսի չափով մաքսատուրքեր սահմանել արտասահմանից ԱՄՆ պողպատի և ալյումինի բոլոր մատակարարումների համար:
Որոշումը վերաբերում է Արգենտինայից, Ավստրալիայից, Բրազիլիայից, Մեծ Բրիտանիայից, Կանադայից, Եվրամիության երկրներից, Մեքսիկայից, Հարավային Կորեայից և Ճապոնիայից կատարվող մատակարարումներին:
